影片
更多
2022-06-18
87 浏览
唔知大家记唔记得早排香港曾经有一阵龙虾包热潮？一直对龙虾零兴趣嘅版主由个阵开始会留意下呢样海鲜🦞，但系都只限于会bookmark下啲相关餐厅，未到会身体力行走到试（唔知点解觉得食海鲜太有饱滞感）早排约朋友食饭，谂黎谂去都唔知食乜，醒起佢最中意嘅食物系龙虾，就把心一横，去呢间位于九龙城嘅cafe试试佢出晒名嘅lobster all day breakfast! 1.Super owl set | 6.5/10因为我地三个人，就叫咗whole lobster𠮶个set，价值为248(⁎⁍̴̛ᴗ⁍̴̛⁎)碟中物: 龙虾、蟹肉牛油果toast、egg benedict and smoked salmon on muffin、portobello 、德国肠、薯饼、烟肉、烤蕃茄、茄汁豆、粟米粒粒同mixed green 撇除卖相唔讲（因为真系好澎湃，200分适合打卡），味道实属一般般。望落去好丰富，但其实只起晒钢嘅龙虾经已霸咗半只碟嘅位，其余嘅食材其实份量唔算话好多（带返个头盔先，可能我大胃？）-龙虾普通质素啦，我本身都唔系有太大expectation 但系见外国嘅煮法应该多数系牛油焗/煮，呢一个就唔系太
早排约朋友食饭，谂黎谂去都唔知食乜，醒起佢最中意嘅食物系龙虾，就把心一横，去呢间位于九龙城嘅cafe试试佢出晒名嘅lobster all day breakfast!
1.Super owl set | 6.5/10
因为我地三个人，就叫咗whole lobster𠮶个set，价值为248(⁎⁍̴̛ᴗ⁍̴̛⁎)
碟中物: 龙虾、蟹肉牛油果toast、egg benedict and smoked salmon on muffin、portobello 、德国肠、薯饼、烟肉、烤蕃茄、茄汁豆、粟米粒粒同mixed green
撇除卖相唔讲（因为真系好澎湃，200分适合打卡），味道实属一般般。望落去好丰富，但其实只起晒钢嘅龙虾经已霸咗半只碟嘅位，其余嘅食材其实份量唔算话好多（带返个头盔先，可能我大胃？）
-龙虾普通质素啦，我本身都唔系有太大expectation 但系见外国嘅煮法应该多数系牛油焗/煮，呢一个就唔系太食到牛油香啦
-版主好钟意食egg benedict，反而对佢地个hollandaise sauce有啲失望 ಥ_ಥ 唔知点解阵味有啲奇怪，唔系平时食开个只酸酸地嘅柠檬味
-个蟹肉牛油果都唔系太食到牛油果味，唔知系咪因为加得太多mayonnaises所以抢咗啲食物原味值得一提嘅系都食到啲crab meat，而啲crab meat系有鲜味的，呢个系加翻啲分嘅)
其他材料就冇乜话需要啲咩烹调技巧，味道正正常常啦。（继续戴头盔中）ADB又真系唔系追求食物有几好味，本身食ADB就系贪佢俾我地一次过食到多种类嘅食物，话晒个啲烟肉肠仔乜乜乜都唔会系自家制㗎啦 ☻ 平心而论，呢个ADB其实都算抵食，200几蚊食到龙虾，加上有啲特别少少嘅食物(例如蟹肉牛油果baguettes)，再配埋面盆咁大嘅碟嘅plating，算系咁啦！
2. 虾膏蟹肉车厘茄意粉 ｜8.5/10
Omg!真系对大家唔住，同埋对碟意粉唔住呀！呢个蟹肉意粉先系今餐嘅重点，最衰版主挂住帮个ABD打卡，叫啲friend食住呢一碟先，就错失左影相嘅良机啦
Impress到版主嘅意粉唔多，所以呢个真系有返咁上下水准先令到版主俾咁高分！虾膏同蟹肉为成碟意粉做到个提鲜调味嘅效果，比起平时以红肉为主要食材嘅意粉多出啲鲜甜味(*≧ω≦) 重点系真系几creamy，唔知系咩关个虾膏事啦～总之系浓郁得黎唔腻，一啖接一啖好似唔会够喉咁(^з^)
——我是界——
未试过嘅不妨一试，食过嘅版主如果有机会再访就唔会再点个ADB啦
提提大家，小店都小有名气㗎，我地个日等咗成个钟先入到座(⊙_⊙) 食完埋单走人𠮶阵都成三点几，但系出面仲有五六组人等紧位！佢地元朗系本店，唔知情况会唔会再墟冚啲呢？由于要等位嘅关系，版主再访嘅机会率有啲微xd哈哈哈哈
张贴
