沾仔記 (威靈頓街)

营业中

休息中

今时今日好多食肆拎米芝莲，但其实一般人都唔太关心，只系在意收费、味道，三十零蚊碗面，连锁店、快餐店都要啦，人生苦短，冇咁多时间研究人地值唔值得奖，咁大家对每样食物，心目中都有个价，我净系睇值唔值个价啫。平日早上十点钟左右，全店爆满，上班嘅都已经上班，所以在座有好多系外国人、游客。搭枱系常识，唔会太介意。餐牌供应云吞、鲮鱼球、牛肉三款，可汤可捞，价钱三十零蚊，叫到最贵嘅三宝，都系$48，喺中环区差不多啦。假日要我咁有恒心排队食，又唔会，好在当日系平日云吞面 $30上枱时云吞垫底，最后先加面底、葱花，面冇咁易浸腍，保持爽弹。见部分评语话有碱水味，个人就完全唔觉，始终系个人口味，或者我味蕾唔够敏感啦。云吞三大粒，皮薄馅靓，虾肉明显，新鲜爽口肉嘅比例唔多。