萍萍上海館

营业中

休息中

一向都钟意食上海菜，不过香港好多上海菜馆都比较贵，最近发现长沙湾有间平民价上海菜小店，又多咗一间饭堂可以去帮衬啦。 拣咗个孖宝推介，招牌小笼包+上海排骨菜饭：个皮未算好薄，但胜在多汤，食落绝对有烫口感觉。 排骨够热，又酥又香，配上菜饭一绝。 花雕醉鸡：鸡肉嫩滑入味，皮肉间有水晶般剔透胶质，酒香扑鼻芬芳，肉质色泽动人，餐前小食最好不过。 水晶肴肉：肉红皮白，光滑晶莹， 卤冻透明，犹如水晶，香味浓郁。 四川担担面：面条细滑，汤汁惹味浓郁，阵阵花生香味，做到挂汤嘅效果。 香酥豆沙锅饼：最后甜品加咗个香煎豆沙锅饼，因为系即叫即整，所以都等咗一阵，上台时热辣辣，个表皮香煎，豆沙馅料都足够，而且唔会太过甜。