炊豕店 (曉悅) (已結業)

睇戏前系附近揾下有咩好食，见到呢间炊豕店系长沙湾都开左分店，就想食下。嗌左大阪烧猪扒饭（转捞粗面）：木鱼份量非常多，而且上面淋左同大阪烧一样味道嘅酱汁，而且猪扒炸得好香脆，亦唔会觉得好热气好油腻，亦唔会落得太多肉松粉搞到无左肉嘅质感粗面亦都煮得岩岩好。之后嗌左个卤水拼盘，有鸡翼，卤蛋，猪耳，大肠，鸡肾。鸡翼非常大只，腌得好入味。鸡蛋就正正常常啦。猪耳爽口弹牙，亦都几大条。大肠唔会有臭味，食落去几香。鸡肾都好爽口，size几大粒。前菜嗌左凉拌大豆芽，份量非常多，落左啲麻油去调味，亦加左少量豆卜，成碟黎讲系几好食，食落去好开胃！完全可以中和返岩先炸猪扒嘅饱腻感。饮品方面，系壹品豆浆，呢个正常无咩特别。另外嗌左杯蜂蜜生姜茶，非常中意呢杯，因为好养生！饮落去好重姜味，好滋补。食完炸野再饮返杯补品，绝对可以下火化痰！