戀茶舍 (兼善里) (已結業)

最近有几日天气真系好热，喺长沙湾经过呢间新开既台式饮品店就忍唔住叫咗2杯嘢饮吓。平时成日都系饮珍珠奶茶，今次我地就试吓水果类既特饮，分别系芝恋芒芒同埋芝士玫珑脆啵啵。芝恋芒芒成杯饮品好重芒果味，入面啲芒果肉好厚好正，大热天时饮真系一流，解渴又消暑。佢啲芝士奶盖好creamy但又唔觉好腻，同埋芝士奶盖同芒果好夹，饮饮吓就冇咗半杯lu~ 芝士玫珑脆啵啵叫果阵店家强调入面真系用玫珑蜜瓜肉整，好足料。杯野饮望落好吸引，饮落当真有惊喜，入面既蜜瓜肉好清甜同refreshing，而且啵啵Q弹过瘾。2杯入面我钟意呢杯多啲，蜜瓜味特饮唔算好常见，同埋清香解渴既蜜瓜汁真系好适合系夏天饮，一试难忘~~新开业期间仲有85折架！