源味開元米線 (已結業)

相信好多朋友仔翻大陆会特登走去食川菜，只因大陆既川菜又平又正宗。但其实系香港都有好多唔错既选择。今次黎食呢间睇个名系食米线既，但除左米线之外，呢到其实有好多好食既川菜食，例如烤鱼、酸菜鱼、水煮牛肉等等。豆花烤鱼（$268）要左海鲈鱼因为呢种鱼多肉少骨，而且店家用料新鲜，鱼肉鲜甜没有腥味。平时唔系好食得辣既我食左微辣，入到口有少少麻但又辣得几过瘾，虽然有辣味，但系依然可以食到豆花既清甜。而且豆花份量好多，真系唔洗叫饭都饱。川北凉粉（$28）我冇特别要求辣度，呢道既凉粉系酸辣麻既，配以超级滑溜既凉粉可以做一个开胃菜。但系由于我唔食得太辣，我下次食会要求翻小辣再挑战自己，慢慢加辣。五𩠌蕃薯粉（$49）蕃薯粉亦都是十分滑溜，配清汤岩岩好缓解左岩岩食鱼同凉粉既辣，再食埋处理得好好冇异味既大肠同牛腩，呢餐十分满足。总结一下，如果有朋友仔想食正宗川菜我都推荐黎呢到。