影片
更多
2021-10-04
41 浏览
呢日行咗去长沙湾同朋友午餐饭聚，佢知道福荣街𠮶边开咗间🇪🇸西班牙餐厅「La Barra Tapas Spanish Restaurant」，于是佢就订定枱同我撑枱脚。小店确实位置其实喺福荣街同昌华街交界，橙色嘅门面几突出，而内里面积虽然唔大，不过装修就有花上心思，墙砖嘅民族风花纹好鬼靓😍。餐厅有提供午市套餐🍽，包括前菜、主菜、甜品同饮品，主菜则有三款选择，定价由$158至$188不等，价钱喺呢区来讲算偏贵呢。Fresh Salmon Fideo($158)，店员喺三款午餐之中最为推介三文鱼👍，佢话因为来货新鲜，并且建议我哋试吓地道西班牙短面条Fideo。虽然我唔系第一次食，不过喺香港有得食确系好难得。Fideo有啲似粉丝，加上拎去焗，所以带点烧焦嘅口感，几特别。由于面条系短身，有机会令人以为厨师整到碎湿湿，但事实非也非也😉。主角三文鱼柳长长一条🐟，煎得几香口，而且鱼脂满满，食落嫩滑多汁。鱼香味配合埋特式香叶渗透于面条之中，坚系惹味嘅。Grilled Spanish Spring Chicken with Asparagus($188)，其实春鸡何谓西班牙式整法我就真系唔知🙈，不过敢讲佢
呢日行咗去长沙湾同朋友午餐饭聚，佢知道福荣街𠮶边开咗间🇪🇸西班牙餐厅「La Barra Tapas Spanish Restaurant」，于是佢就订定枱同我撑枱脚。
小店确实位置其实喺福荣街同昌华街交界，橙色嘅门面几突出，而内里面积虽然唔大，不过装修就有花上心思，墙砖嘅民族风花纹好鬼靓😍。
餐厅有提供午市套餐🍽，包括前菜、主菜、甜品同饮品，主菜则有三款选择，定价由$158至$188不等，价钱喺呢区来讲算偏贵呢。
Fresh Salmon Fideo
$158
0 浏览
0 赞好
0 留言
Fresh Salmon Fideo($158)，店员喺三款午餐之中最为推介三文鱼👍，佢话因为来货新鲜，并且建议我哋试吓地道西班牙短面条Fideo。虽然我唔系第一次食，不过喺香港有得食确系好难得。Fideo有啲似粉丝，加上拎去焗，所以带点烧焦嘅口感，几特别。由于面条系短身，有机会令人以为厨师整到碎湿湿，但事实非也非也😉。主角三文鱼柳长长一条🐟，煎得几香口，而且鱼脂满满，食落嫩滑多汁。鱼香味配合埋特式香叶渗透于面条之中，坚系惹味嘅。
Grilled Spanish Spring Chicken with Asparagus($188)，其实春鸡何谓西班牙式整法我就真系唔知🙈，不过敢讲佢系色香味俱全。🐓春鸡好的骰，肉质唔嚡，但就唔算厚肉。鸡皮带有香草味，烤得几香脆。伴旁有清爽芦笋丝同薯粒，本身以为后者系普通料，谁不知内有干坤！🥔四方薯粒系千层方块，薯仔经切成薄片后再混入鸡蛋粉浆，然后逐块叠起拎去焗制。如此复杂嘅制法能够令薯仔升华。
Grilled Calamari
0 浏览
0 赞好
0 留言
Anchovy Salad
0 浏览
0 赞好
0 留言
Croquette
$15
22 浏览
0 赞好
0 留言
长身同黑色馅𠮶粒系鱿鱼味，圆身配橙色酱𠮶粒就系松露蘑菇味🍄。两款味道各有千秋，但共通点系中间个馅味道好浓郁。磨菇香味朴鼻，另一粒则充满浓黑墨汁，散发淡淡鱿鱼鲜香🖤。
午餐甜品系餐厅自家制嘅意大利雪糕Italian Gelato🍨，雪糕质感细滑，并无雪到过份冰冻。云呢拿味道有啲似M字头𠮶只牌子，几好食。
饮品方面，除咗红白酒同Sangria之外，其他都唔使加钱。店员推介饮Cava，佢话呢款系类似香槟嘅西班牙汽酒🥂。佢系白酒底，酒味亦较浓。
Hazelnut Latte，朋友饮冻榛子牛奶咖啡☕️，榛子味好香，闻落甜甜的，饮落甜度涩度适中。由于落咗牛奶，口感顺滑。
总括嚟讲，估唔到长沙湾竟然有正宗西班牙餐厅😜，食物质素优秀，环境服务令人满意，我认为系顾客回头率高嘅餐厅！我想下次晚市嚟食，咁就可以试多啲佢嘅Tapas喇。
张贴
