香辣鮮

营业中

休息中

前排约咗朋友去咗荔枝角，又想食鸡煲，就简咗呢间餐厅。呢间餐厅除咗鸡煲，仲可以食烤鱼、酸菜鱼，啲选择都几多！因为想食得养生啲，就简咗胡椒猪肚汤同椰子汤鸡煲。1.咸酸菜胡椒猪肚鸡煲呢个汤底好岩冬天食，胡椒嘅味道都好重，饮咗几啖汤已经feel到好热，啲鸡同猪肚都煲到好入味，食落都好重胡椒味，而个煲都好足料，都食到好多咸酸菜同猪肚！2.清润椰子鸡煲椰子汤底好清甜，入面仲有马蹄同杞子，仲有好多旧椰子肉，感觉好养生；呢个汤底同胡椒汤底唔同，鸡件系另外上，要自己将鸡件放入汤到渌熟，啲鸡渌熟完之后都系好嫩滑。3.黄金皮蛋平时食开嘅皮蛋都系黑色，但系呢款好特别，皮蛋嘅颜色系金色，个蛋黄仲要有少少流心；辣度可以自选，虽然最尾都叫咗唔辣，但系佢嘅酱汁都好惹味，同个皮蛋几夹。4.爆蒜泥白肉呢个小食同佢个名一样，餐厅真系俾咗好多蒜泥，一上枱已经见到好多蒜泥铺哂喺肉嘅上面，钟意食蒜嘅朋友必叫！值得一赞嘅佢嘅份量真系好多，CP值好高！