餃子冰室

营业中

休息中

终于黎试左长洲既呢间饺子冰室，呢间饺子店主打特色口味既饺子，我地平日下午大概3点半到都要等位，等左大概半个钟，位置就唔算多，得6张枱左右，所以会系长洲stay一晚既建议直接买外卖翻房食，佢地上菜都算速度好快。整体而言，我觉得入到黎长洲，呢间饺子冰室系必试既，如果多几个朋友一齐黎，可以试多啲佢不同款式既饺子，佢啲特色饺子系特别之余，你食落都唔会觉得奇怪，而且系好食！不过，一开始等位𠮶阵见到明明有一枱客已经食完好耐，但佢地仲坐系到禁电话，差唔多超过15分钟，个人觉得尤其呢啲出名小店，自己食完就尽快让个位比下一个客人会好啲，不过呢啲又无规定既，所以建议大家买外卖都系唔错既选择。