彤粵菜小館 (已結業)

位于尖沙嘴北京道太子集团，有间卧虎藏龙中菜厅—彤粤菜小馆。呢间餐厅装修精致，每个位置都比较宽阔，最适合同屋企人食饭。 今次同热爱食中菜妈妈一齐来庆祝生日。当然整返个美颜滋补汤水—杏汁白肺汤，比妈妈补一补。128蚊劲大兜。材料落得好足，因为南北杏比得自由，墩时间够足够，汤水呈现奶白色，好香南北杏味。一啖啖接住咁饮，完全停唔到口。其次落左个黄金炸鱼皮小食，每一块鱼皮都比咸蛋黄包住，食落chokchok声，好脆而且鱼皮一D都唔鱼腥味。加上鱼皮小小咸配合，整体系非常好味。主食叫左个虾籽葱烧金玉参同姜葱广岛蚝。虾籽葱烧金玉参个海参焖得软淋之余总有爽脆弹牙。加上虾子配搭 好香口。总有个姜葱广岛蚝，呢个鎹真系十分之惊喜。广岛蚝份量好多，而且只只好似手掌咁大。姜葱爆得劲香口同好味。一上台已经闻到好香姜葱味。总体表现非常好，妈妈有赞无弹，同长辈食饭一流，不论环境定菜式。系首选。