大班樓 (已搬遷) 新店位置

长辈生日，来大班楼食精品中菜就最合适不过。咁啱长辈特别钟意食鱼头，而香港又冇咩地方整得好食，大班楼真系最佳嘅选择。今次食左好多个𩠌，分别有芋泥烟鸭盒，蒸蛏子，九层塔炒蚬，乌鸡虫草花炖汤，秘制叉烧，龙趸鱼头，清炒菜心，自家制腊味番薯煲仔饭，百花鸡，同埋甜品。其中最令我惊艳嘅食物包括：九层塔炒蚬：味道非常有特色，有少少辣，同埋好浓郁嘅九层塔同蕃茄酱味，份量亦都好足够；龙趸鱼头：味道有啲似水煮鱼𠮶种感觉，但又唔会太咸太辣太浓，食得出系完全冇味精嘅。而且龙趸鱼头多肉，啲皮又好滑好和味。系我喺大班楼食过最钟意嘅𩠌，基本上出边冇可能食到呢道菜！清炒菜心：呢个真系经典，冇谂过一碟青菜都可以炒到咁好食，入面鲜嫩得黎又有镬气，调味刚刚好。真系非一般嘅功夫菜。杞子雪糕：my all time favourite，呢个甜品真系必食，次次嚟到一定要食😋香浓嘅奶味，正！其实其他𩠌都好食，不过相对来讲我会钟意以上几个𩠌。虽然价钱都唔平，但真系食得出一分钱一分货，全部都系好扎实嘅功夫菜。食材新鲜，冇味精！喺香港食到呢个水平嘅中菜实在难得。