德運豬扒車仔麵 (已結業)

平時經常都會經過呢間餐廳，但係由於門面唔多起眼，再加上佢旁邊有幾間大集團，要食都會揀隔離嘅嗰兩間，所以一直都冇留意到佢，直到有一次有個朋友講，話呢間舖頭門面雖然古古怪怪，但係食落啲嘢又幾好食，所以今日就一於去試下。點解話佢門面古怪呢？因為佢個招牌有紅紅綠綠咁，有啲老土。 鋪頭嘅最出名係幾款麻辣酸米線，包括有豬扒、手撕雞、豬大腸等等幾款，每款都係四十幾蚊，估唔到佢麻辣得嚟又幾香，而且味道又唔係太辣，幾啱香港人口味，另外一款小食脆香墨魚丸都好好味，用孜然粉嚟炸，好香口。 不過伙記成日都落錯單搞錯嘢，大家容忍下。