上海婆婆 (黃大仙中心北館)

营业中

休息中

今日到黄大仙食饭，系北馆地铁站一上就系上海婆婆，装修后门面好靓，又坐到卡位好舒服。川渝小笼包卖相系白＋红色两只色好靓。入面既汁少少辣，咬落唧左d红油出黎好过瘾。砂锅粉鱼头汤我好中意饮汤，系我既必点菜式。依个菜式唔多餐厅会整，因为煲鱼汤底要花很多工夫。砂煲上既好处就系餐饭食到最尾啲汤仲热烘烘，同时亦避免冻左会有腥味。超大碗两个人每人起码有两碗，饮到饱饱！鱼头又有骨胶原又多肉；汤底非常清甜，配埋滑滑嘅嫩豆腐，超赞👍皮蛋冻豆腐冻冻地几好味，个汁较结身亦浓味，拌匀豆腐食劲正。依只皮蛋黄好正～桂花蜜汁火方好耐无食过依道菜式了。唔系间间上海铺有卖。有惊喜，竟然有炸支竹拌碟，包住食超脆口。火方有两笼蒸到软绵绵好食，亦一定够饱。