海樂餃子店

营业中

休息中

北角港运城对面开咗间新嘅饺子店，坦白讲门面真系毫不起眼，非常之平凡，不过个餐牌上面有句野好吸引：花胶淮山猪骨汤底，仲强调话系绝无味精！见价钱唔贵，隔离间间堆满人，就入去叫咗个鲜肉韭菜饺同鲜肉白菜饺双并加菜底，同一个海鲜饺米线，果然入口d汤真系非常非常鲜甜好味，我哋饮晒成碗都唔口渴同滞胃，应该真系冇花冇假嘅真猪骨汤，正正正！今次试咗三种饺，饺皮稍厚但喺可接受范围，馅料又系真材实料，两种鲜肉饺都充满新鲜猪肉嘅鲜味，喺街舖以此平民价钱食到呢种味道，真系超乎想像！海鲜饺虽然稍淡口，但系有一阵淡淡嘅鲜虾海鲜味，虾肉鲜甜亦有点弹口，如果喜欢食物原鲜味嘅话，呢间小店真系值得一试。.......我试此店，真系有d惊为天人，因为呢间店真系唔多客，可能系比佢嘅平凡外表呃咗，我都冇谂过小店嘅汤底同埋鲜肉饺嘅味道竟然可以咁高质，如果店主之前将间店嘅门面包装下，生意一定不止于此！而家谂定，下次又要试下其他味道嘅饺子喇！