影片
更多
2017-07-30
594 浏览
※本文以用餐当日的环境、服务和食物质素为准，口味亦因人而异，文章只作参考之用。-如果问你「点解会有闪电泡芙之称？」你会知道吗？...据说系因为太好食，法国人可以闪电咁一条接一条迅速食晒，就有左闪电泡芙之称，听落都几盏鬼！专门店至今在全球（日本、米兰、俄罗斯）多达20间，不能睇少其受欢迎的程度。对于风摩一时既闪电泡芙，小妹只觉得佢既外观很美，每次经过专门店都只系望两望满足眼帘就闪人，深怕佢会系好甜好甜得个靓字。不过男人见我成日得个望字，就话如果唔岩食最多佢包底，终于有得试下喇！是晚去开太古城中心可以顺便食埋，太古城分店最好既系有得坐，可以慢慢食慢慢影，岩晒小妹！（始终怕拎到返归会走晒样）店内有几张枱椅，装潢同装饰得都几靓，另外仲有设置饮品柜，售卖冷泡咖啡同果汁等，仲有自家品牌既朱古力，连招牌闪电泡芙都有得客制化，用黎庆祝纪念日或节日都得，感觉很潮！闪电泡芙的口味十分多，已研制出超过二百多款，N°数字系代表泡欢口味的创作次序。香港分店亦会每个月推出不同味道，务求满足到客人的需要，又可以尝试不同的味道，保持到新鲜感。闪电泡芙除左焦糖同果仁口味外，仲有推出清新果香味系列，切口不同客人的口味，就
-
如果问你「点解会有闪电泡芙之称？」你会知道吗？...据说系因为太好食，法国人可以闪电咁一条接一条迅速食晒，就有左闪电泡芙之称，听落都几盏鬼！专门店至今在全球（日本、米兰、俄罗斯）多达20间，不能睇少其受欢迎的程度。
对于风摩一时既闪电泡芙，小妹只觉得佢既外观很美，每次经过专门店都只系望两望满足眼帘就闪人，深怕佢会系好甜好甜得个靓字。不过男人见我成日得个望字，就话如果唔岩食最多佢包底，终于有得试下喇！
是晚去开太古城中心可以顺便食埋，太古城分店最好既系有得坐，可以慢慢食慢慢影，岩晒小妹！（始终怕拎到返归会走晒样）
店内有几张枱椅，装潢同装饰得都几靓，另外仲有设置饮品柜，售卖冷泡咖啡同果汁等，仲有自家品牌既朱古力，连招牌闪电泡芙都有得客制化，用黎庆祝纪念日或节日都得，感觉很潮！
闪电泡芙的口味十分多，已研制出超过二百多款，N°数字系代表泡欢口味的创作次序。香港分店亦会每个月推出不同味道，务求满足到客人的需要，又可以尝试不同的味道，保持到新鲜感。
闪电泡芙除左焦糖同果仁口味外，仲有推出清新果香味系列，切口不同客人的口味，就好似小妹，偏爱果味重的泡芙，感觉会无咁腻，所以有三款都拣左果味的。
海盐焦糖
$38
4 浏览
0 赞好
0 留言
N°1 海盐焦糖 $38
此为创办人首款推出既口味，呢款海盐焦糖如果钟意食太妃糖既话一定好钟意！里面填了满满既海盐焦糖忌廉，焦糖味好浓郁香甜，个种香甜系连牙齿都感觉到，甜度确实稍高，但又会忍唔住想继续食，真系一款令人又爱又恨既味，可以同朋友一人一半就岩岩好。
N°122 士多啤梨泡芙 $48
咬落松软既泡芙上放满士多啤梨制成的果茸酱、士多啤梨片和忌廉花，仲有少许粒粒曲奇碎在内；咬落口感丰富，有酸酸甜甜的士多啤梨提味，还不错。
云呢拿红桑子
$45
4 浏览
0 赞好
0 留言
N°258 云呢拿红桑子 $45
里面填满云呢拿红桑子忌廉，忌廉细滑，食落超重红桑子味，味道仲要好似我以前劲爱既Chez Shibata其中一款皇牌蛋糕😍😍😍 可以食得返呢个味道真系好惊喜，小妹真系偏爱呢款味道🍓😊
菠萝青柠泡芙
$45
19 浏览
0 赞好
0 留言
N°135 菠萝青柠泡芙 $45
另一款同样几钟意既果味系列，味道清新香甜既菠萝青柠忌廉，后续会带有阵阵菠萝的果甜味，配上面头的热情果脆脆，好适合炎热既夏天品尝，食完都唔觉腻。
法式贝壳蛋糕 每款$15
除了闪电泡芙外，仲带来了法国传统小吃Madeleine。
有抹茶、士多啤梨、柠檬和黑芝麻，贝壳蛋糕面层裹上白朱古力同黑朱古力，多左重滋味，小妹独爱柠檬。
张贴
