又一間餐室 (已結業)

呢间港式茶餐厅转左经营模式之后就好少嚟食嘢，午餐一律都系$50，热饮加$4，而家用左半自助形式，餐汤自己去攞，而侍应会将主菜送到你面前，我叫左个焗㗎喱牛腩饭，即叫即做，等左差唔多十五分钟就上枱，不过面头啲食物焗到有啲过龙，有啲㶶同埋有啲焗到干左，冇以前咁有水准。因为以前喺度饮过呢度啲咖啡，又香又滑，所以加左$4要杯热咖啡，不过今次真系有啲失望，唔系好够热同埋冇咁香滑了。香港嘅餐厅都有一个毛病，就系保持唔到水准，希望呢间唔会啦。