影片
更多
2024-09-04
1370 浏览
因为系隔离做野所以冇得拣都会食下，我都知饮食业辛苦，都费事嘈，但今日个体验真系好差。首先系外卖，门口好多蚊，旁边就系公园咁冇办法我就算，但等个外卖比蚊咬到脚都烂真系唔系咁好。咁你都可以讲话做咩唔电话落单再去拎咁咪唔使等咁耐，但呢间嘢真系要当面讲清楚佢张单先会啱，试过几次拎到返去张单系啱，但系个盒系错，又要好似食M记咁当场对吓啲嘢，中过几次服就明。其次个外卖盒真系好细个，压到饭同𩠌痴埋一旧，因为个外卖会有倒汗水，啲姜蓉同啲汁再同旧饭融为一体，好难食。食得外卖真系唔可以期望咁多。到堂食，听嘢听到一嚿嚿，就算落单𠮶个冇错斩料果个又斩错，有时心情好就费事转食咗佢算，其实可唔可以有一个统一嘅落单方式，你再唔系俾个客自己落，成日都听到隔篱枱喺度嘈落错单。今次我躁底嘅位就系，嗌咗个正价餐，你哋比少咗饭，将小汁当咗系小饭，然后我问有冇得比少少饭，你要收我12蚊，咁样做会唔会太肉酸？
首先系外卖，门口好多蚊，旁边就系公园咁冇办法我就算，但等个外卖比蚊咬到脚都烂真系唔系咁好。咁你都可以讲话做咩唔电话落单再去拎咁咪唔使等咁耐，但呢间嘢真系要当面讲清楚佢张单先会啱，试过几次拎到返去张单系啱，但系个盒系错，又要好似食M记咁当场对吓啲嘢，中过几次服就明。其次个外卖盒真系好细个，压到饭同𩠌痴埋一旧，因为个外卖会有倒汗水，啲姜蓉同啲汁再同旧饭融为一体，好难食。食得外卖真系唔可以期望咁多。
到堂食，听嘢听到一嚿嚿，就算落单𠮶个冇错斩料果个又斩错，有时心情好就费事转食咗佢算，其实可唔可以有一个统一嘅落单方式，你再唔系俾个客自己落，成日都听到隔篱枱喺度嘈落错单。今次我躁底嘅位就系，嗌咗个正价餐，你哋比少咗饭，将小汁当咗系小饭，然后我问有冇得比少少饭，你要收我12蚊，咁样做会唔会太肉酸？
张贴