Chez Moi

营业中

休息中

朋友生日，我哋一班女仔去咗食呢一间餐厅庆祝，头盘我哋全世界都系嗌咗鹅肝，因为呢度煎得好好食，另外主菜我哋叫咗肉眼扒，个扒唔错但我较为欣赏嘅就系𠮶个煎薯仔饼。唔系经常食法国菜嘅我其实非常之钟意食呢一种薯仔饼，你都知道唔容易整。甜品有两款我拣咗食戚风蛋糕系因为我好想试吓佢个蓝莓伴蛋糕嘅忌廉，另外我想加多一提系餐前我哋会有餐包，而餐包系热辣辣嘅蒜蓉包，我因为挂住倾偈所以摊左好耐先食，的而且确系失左少少色，但系之后伙计都好好人佢再铺多一叠热辣辣嘅上嚟所以服务我觉得系超赞。