kitchen J (已結業)

平时间唔中都会过黎黄埔做野，经过呢间餐厅好多次，一直都无机会试，今日经过，见唔洗等位，就入黎试下啦。2个人叫左2个餐，每个餐可以配沙律再加汤或者饮品一杯，而我地最后就选择左饮品。一向好喜欢食沙律既我，觉得呢个沙律好吸引，D 菜好新鲜，个沙律汁都好好味，又唔会过多，感觉好清新。和风照烧鸡 PIZZA可以拣8寸同11寸，唔大食既我地当然拣左8寸啦，呢个PIZZA系今次午饭之中我最喜欢既菜，紫菜+鸡肉+薄饼配合得好好，加埋烧汁真系好惹味。唯一美中不足既就系鸡肉比较少，加多少少就真系PERFECT啦。茄汁奄列饭其实就系蛋包饭再加D蕃茄汁，味道好香浓，茄汁香甜为主，食起黎真系几开胃。蛋又无过熟，奄列多汁软滑，整体上味道香而可口，好好味呀。食完之后再配上一杯热咖啡，真写意。