百樂門囍宴 (已結業)

又走一个同事了 人生要有多少福气才可以遇到好同事！临别在即，farewell饭一定不能少。由于今次参与人数众多，我地就拣咗去百乐门食海鲜餐。就我个人而言，百乐门既水准系几浮动，尤其系点心方面。但之前情人节黎食过晚市又唔错，所以今次就决定拣佢。咁当然佢可以一次过可以容纳到12个人都系好主要既原因之一。首先上菜既六小碟，拍青瓜系我最钟意食，因为个酱汁做得几好同青瓜好脆好新鲜。另一方面，我亦好钟意师傅系拍散青瓜而唔系切开。因为用拍散既方法系有效加快青瓜吸收酱汁的速度。卤水猪手味道都不错，好入味唔算好咸，食落亦唔算太腻，净系觉得食咗好多骨胶原落肚。口水鸡好麻好香，但我钟意加辣少少就更好。主菜开始陆续出场，排名不分先后。冰镇鲍鱼，好有睇，只只都好大只。肉质都算弹牙，但味道本身既味唔算好重，加少少豉油好d。龙虾伊面好正，好香好好食。龙虾肉质系爽同弹牙，用葱爆炒过好香，而d面吸晒d精华，超好味。上汤花胶时蔬，相对清淡，尤其食完好多浓味既野食，食完唔会腻。如果花胶再厚d就好。其他食物都唔错，我净系重点拣我最钟意既食物。最后食咪个寿包就功得圆满，埋单都系3000几蚊，人人都饱都呕，超抵。