Bro's Cuisine

营业中

休息中

开心果控一定会好钟意呢到，除咗有主食、套餐，仲有开心果甜品、开心果朱古力可以买返屋企食。开心果喺主食入面其实都系点缀成份多，味道会俾其他嘢食盖过，但开心果嘢饮系真系好浓开心果味。*开心果套餐 $290前菜+主菜+饮品*开心果油醋汁沙律沙律菜种类多，颜色配搭很好，油醋汁味道比开心果味浓。满满开心果烧澳洲羊架羊架拣咗五成熟度，啱啱好，带轻微羊膻味。比起味道，开心果其实只系加咗一层口感，整体都系夹嘅。薯蓉普通，薯仔味好淡，配菜仲有西兰花。开心果忌廉汁鲍鱼意粉热辣辣出晒烟，意粉弹牙又索汁。忌廉汁好挂意粉，又唔会太杰，但有少腻。开心果味偏淡，唔够忌廉咁出。鲍鱼有4只，细只、几弹牙。奶盖开心果鸟龙奶茶奶盖好滑好creamy，入口第一啖系好浓郁嘅开心果味，后劲有好淡嘅茶味。奶盖碎朱古力开心果奶比较之下，朱古力奶会比较甜，开心果味同样浓郁。