皇甘栗鮮炒乾果專門店

营业中

休息中

山长水远入大埔行山，行完顺便试埋呢间好出名卖栗子雪糕嘅干果专门店。当日好多人慕名而来，所以同朋友都等咗一阵间，雪糕先攞到上手，不过一切都好值得，而且店员都非常亲切！ 我就叫咗栗子雪糕，而朋友就叫咗开心果雪糕。本来觉得栗子雪糕已经做得相当出色，栗子味好浓郁，但唔会好甜得滞，而且口感顺滑！ 但系当我试下朋友拣嘅开心果雪糕个阵，真系觉得惊为天人，唔怪得好多人都称佢为全港最正开心果雪糕！ 成个雪糕都充满着开心果仁，开心果味好出，好浓厚，唔会俾奶味盖过开心果味，真系好正！🤩 有少少后悔自己无叫到开心果味！好想自己独享一枝！另外，佢哋嘅甜筒底部系有软心朱古力做脆底，唔食到最后都唔知道，好有惊喜！令到成个雪糕更升华，更完整！😍 佢哋整雪糕真系有一手！当日仲遇到有三个人叫咗啲比较特别口味嘅雪糕：话梅、陈皮、生姜，唔知好唔好食呢？