影片
更多
2014-09-20
3287 浏览
听d朋友讲话皇仁饭堂煮中菜有一手，成日爆场，仲要系旧生先有得订枱，个个为食哗鬼流哂口水 ，渴望一试真伪！甘啱靓女朋友识得皇仁仔，我地乘机掹车边一齐去 ！多得名校生预早一个月前订枱，我地先可以重拾那些年既校园感觉啊 ！皇仁旧生会中学，系维园对面既皇仁书院旁边，沿铜锣湾道直行，即维景酒店附近既对面。直入学校，昔日既校园点滴，再一次涌上心头！侍应叔叔久候多时, 即带领我地入去厢房，厢房小巧玲珑，布置清雅舒适。是晚预订既宴席名为"鸿运满堂宴"，听闻每道菜都经过精心炮制，色香味俱全，兼且份量十足架 ！我地支持环保，听取名校生既建议，省减修改一两道菜，以免浪费食物！1.花姿片珊瑚蚌 : 有乳鸽肉，肉片嫩滑，而橙色既珊瑚蚌及白色既花姿片同样爽口弹牙, 捞埋d黑木耳、西兰花等齐炒，卖相一绝！2.炸蟹钳 : 外层相当酥脆可口热辣辣，略嫌蟹肉太少，虾胶蛋䊢够弹口，此道菜稍逊"凤城酒家"，不过人家收成88蚊一只，食材自然非同凡向！3.糖桂花饯美国桶蚝 : 大大只蚝，外层炸浆又薄又脆，蚝肉丰满唔干身，鲜味突出，清甜糖桂花好入味！4.杏汁猪肺汤 : 揭开煲盖，杏仁味清香扑鼻，奶白色汤底，一望仲超
是晚预订既宴席名为"鸿运满堂宴"，听闻每道菜都经过精心炮制，色香味俱全，兼且份量十足架 ！我地支持环保，听取名校生既建议，省减修改一两道菜，以免浪费食物！1.花姿片珊瑚蚌 : 有乳鸽肉，肉片嫩滑，而橙色既珊瑚蚌及白色既花姿片同样爽口弹牙, 捞埋d黑木耳、西兰花等齐炒，卖相一绝！
2.炸蟹钳 : 外层相当酥脆可口热辣辣，略嫌蟹肉太少，虾胶蛋䊢够弹口，此道菜稍逊"凤城酒家"，不过人家收成88蚊一只，食材自然非同凡向！
3.糖桂花饯美国桶蚝 : 大大只蚝，外层炸浆又薄又脆，蚝肉丰满唔干身，鲜味突出，清甜糖桂花好入味！
4.杏汁猪肺汤 : 揭开煲盖，杏仁味清香扑鼻，奶白色汤底，一望仲超足料添 内有猪肺、鸡肉鸡脚、猪肉、菜胆、杏仁等等。饮一啖已停唔到口，超滑溜香甜兼润肺，认真够哂火喉既老火汤！
5.蟹粉豆腐 : 黄澄澄色泽既蟹粉, 口感鲜美而不腻，衬上软滑既豆腐及鲜嫩既豆苗，清淡中渗着甘香，每一口都充满浓郁膏香！
6.椒盐陈皮中虾 : 外脆薄内软嫩，虾肉鲜甜，爽口弹牙，带点咸辣, 唔该再来一只！
7.柚皮花菇扒菜胆 : 柚皮够厚肉，炆得又腍又入味，但就食唔到柚皮本身既味道！
8.炸子鸡 : 皮薄香脆，鸡肉嫩滑，鸡味浓郁！
9.潮式芋头炒饭 : 芋头炸得又香又酥，加埋炸虾米，卜卜脆，好有嚼劲既口感！炒饭粒粒干爽唔油腻，还有其他配菜如葱花、蛋、榄菜等，直头饭香满泻喇！
10.腰果露芝麻汤圆 : 腰果味浓香，汤圆皮薄而烟韧，入口顺滑，甜度适中，嗜甜女生既至爱！
侍应姐姐好殷勤，不断甘帮我地换碟！呢度自携酒水，不另收费！我地带左樽日本梅酒，侍应叔叔仲帮手倒酒分酒, 梅子仲另外上碟添！大家笑笑说说想想，兴起时就干一杯，欢乐笑声向遍整间厢房 ！侍应姐姐口甜甜，笑住口叫男生们做学生哥呢！搞到男生们个个饭后chok住留倩影！最后附上切片西瓜一盘，又甜又解渴，为呢餐饭画上完美既句号！
张贴
