影片
更多
2022-05-05
959 浏览
一份开心又满足晚餐第一次喺重庆大厦入面餐厅食饭，系惊喜，食物水准同服务都相当好，老板娘Selina热诚招呼，会为第一次嚟餐厅嘅客人介绍食物，小店喺重庆大厦一楼，上楼梯转过弯好容易就揾到，餐厅打对面分间舖，每边10个位左右，坐位算阔落坐得舒服，食物方面，订枱时已预订左非洲鸡煲同地中海海鲜浓汤，海鲜汤必需预订，因为系老板娘每日去街市买新鲜海鲜煮，今日海鲜汤材料有巨型北寄贝，花甲，螺，虾，青口同鱿鱼，北寄贝肥厚胀卜卜，肉质爽嫩，虾肉新鲜爽口有虾味，其他材料都好新鲜好味，今晚主角非洲鸡煲，我哋拣左中辣，但中辣其实都唔系好辣，如果好钟意食辣嘅可以试大辣，鸡煲酱料系喺非洲选用多种香料煮成再直送到香港后再加入Selina自家调制配方制作而成，酱汁香辣惹味越食越想食，老板娘仲介绍我哋点一份蒜香薄饼点汁酱一齐食，鸡煲鸡肉好嫩滑松软，汁酱够入味，薄饼煎得好香，口感软熟带少少烟韧，配合蒜香葱香同酱汁真系好好食，最后，我哋食完一份薄饼后再追加一份点汁酱食，另外豆腐沙律亦唔错，自家制沙律汁，豆腐底有椰菜，芒果同石榴肉，捞埋食又几好食。小店会不定时搞各区团购，大家可以留意佢哋ig或fb支持一下，当下香港小店，一定
第一次喺重庆大厦入面餐厅食饭，系惊喜，食物水准同服务都相当好，老板娘Selina热诚招呼，会为第一次嚟餐厅嘅客人介绍食物，小店喺重庆大厦一楼，上楼梯转过弯好容易就揾到，餐厅打对面分间舖，每边10个位左右，坐位算阔落坐得舒服，食物方面，订枱时已预订左非洲鸡煲同地中海海鲜浓汤，海鲜汤必需预订，因为系老板娘每日去街市买新鲜海鲜煮，今日海鲜汤材料有巨型北寄贝，花甲，螺，虾，青口同鱿鱼，北寄贝肥厚胀卜卜，肉质爽嫩，虾肉新鲜爽口有虾味，其他材料都好新鲜好味，今晚主角非洲鸡煲，我哋拣左中辣，但中辣其实都唔系好辣，如果好钟意食辣嘅可以试大辣，鸡煲酱料系喺非洲选用多种香料煮成再直送到香港后再加入Selina自家调制配方制作而成，酱汁香辣惹味越食越想食，老板娘仲介绍我哋点一份蒜香薄饼点汁酱一齐食，鸡煲鸡肉好嫩滑松软，汁酱够入味，薄饼煎得好香，口感软熟带少少烟韧，配合蒜香葱香同酱汁真系好好食，最后，我哋食完一份薄饼后再追加一份点汁酱食，另外豆腐沙律亦唔错，自家制沙律汁，豆腐底有椰菜，芒果同石榴肉，捞埋食又几好食。
小店会不定时搞各区团购，大家可以留意佢哋ig或fb支持一下，当下香港小店，一定要靠大家撑住。
张贴
