Backyard (已結業)

话说本来约咗朋友晚饭去食中东菜, 点知间嘢执咗!醒起坐车成日见o既大厦翻修完就订位去试吓!入到去见环境舒适配合柔和音乐, 刚好我地4个人又有卡位坐。大家二话不说就叫嘢食。首先讲Fish & Chips 值得一试一篮有几件鱼柳!鱼柳够厚身又脆又唔油,  薯条炸得香口。鱼柳比起伦敦食过o既唔会油, 系唔够人地大件, 反而钟意佢呢间够干身唔会油淋淋!再黎叫咗个 香菇辣肉肠薄饼, 个名唔太记得 佢系薄批但都够4个人食! 初时以为佢唔多饀, 但原来足料, 香菇芝士同肉都分配均匀。我地仲食咗两个 Risoto, 分别系, 黑松露香草 同三文鱼子带子,唔记得影相!两客饭都足料,啲饭唔会太淋唔会太creamy 适合喜欢较清淡o既朋友! 松露都铺两块喺面好香, 带子𠮶个都有两件唔系求其俾件细只。总结呢间整体服务同食物质素唔错, 环境舒适, 啱哂三五知己、两人聚餐。想静静地同朋友食饭倾计o既可考虑呢间。