不倒翁中日火鍋料理

营业中

休息中

喺香港一年四季都可以打边炉，真系好幸福。约朋友出嚟食饭，打边炉就可以一路烚一路倾偈，畅谈一晚。今晚拣咗佐敦嘅不倒翁中日火锅料理，地方开扬、座位宽敞，店员都热情有礼。叫咗个二人餐☺️先嚟日式鱼生拼盘有四款刺身，冰镇住，几新鲜。食完刺身就开始打边炉，全部嘢食好快上齐，先嚟个合照先！酸梅汤生津止渴又开胃。冬瓜瑶柱锅一放上枱已经闻到好香嘅瑶柱味，见到咁多瑶柱，就知用料十足。加上清甜嘅冬瓜，清润美味，即刻要饮返一碗先。金牌手切肥牛鲜红色，雪花纹靓，片片都系起双飞切法，特别大片，入口仲要好好食，好有牛味。四宝丸 本来系手打牛丸、墨鱼丸、虾丸、鲮鱼丸，唔想食鲮鱼丸，店员特别好人帮我转咗虾丸，服务贴心。每款都好弹牙，真系似即打比较少见嘅火锅料-驼鸟肉，低脂肪低胆固醇，但仍然系入口嫩滑，质地软腍。松露牛根丸无乜松露味但系牛味浓又弹牙。生猛蛏子洗得干净无内脏，鲜甜十足。珊瑚蚌爽脆弹牙，我一路以为系蚌类，朋友话我知系海参嘅肠脏最后仲有小甜品送添。