祥仔辣辣 (海運大廈) (已結業)

1. 招牌祥仔酸菜鱼米线因为我唔食得太辣，拣咗微辣，汤底少少麻辣几开胃，但我始终觉得酸味唔够突出。鱼块系非常滑嘅！而且起骨好干净完整又唔会整到烂晒，整体感觉好新鲜！米线正常水平，唔会太腍或太硬。2. 特色小碟可能主打川菜，坦白讲拣咗呢几款配菜味道都差唔多，就系重花椒八角嘅麻辣口味，唔算特别有惊喜。个人比较钟意藕片同口水鸡，藕片够晒入味爽脆，口水鸡虽然肉唔多但非常嫩滑！至于脆香芋丝就相对失色，味道有啲淡而且唔算脆口。整体嚟讲食物水准正常，我去嘅系尖沙咀分店，对住维港都真系几爽。