高佬重慶酸辣粉

营业中

休息中

连锁店嘅米线成日都食，间中都想食碗酸辣粉，试下小店既风味。开始转季天气热热地，叫咗个小辣凉拌小食。自选三𩠌$54 价格亲民。 拣咗海带、蝙蝠腩、大豆芽。海带爽口，蝙蝠腩即系猪腩片，份量都几多，虽然系腩片但系唔会好肥，脂肪比例适中，大豆芽清新爽脆。加上凉拌酱汁，真系令人好开胃，自己本身唔太食得辣，小辣味道刚好，惹味得来又唔会太刺激。三𩠌小辣薯粉$54。肥牛、海带、猪红。同样地叫咗小辣，但系呢一个相对一望落去就见到好多辣酱啦，仲有花生、葱等配料。薯粉粗身又吸汁，加埋个汤真系十分浓郁，肥牛薄身得来有咬口，猪红好软滑。