高佬重慶酸辣粉

营业中

休息中

你地開一間外賣店出黎，係確保食物質素無問題先賣比每一個客！唔係每個客住你附近嫁！你煮耐咗！比錯！就叫個客黎自己換返！無論你係老闆，打工，你連責任心，同理心，換位思考都無，唔識，心態咁差，考慮你適唔適合繼續做落去啦？ 第一，我都講到明分湯，意義就係我住逸東，我要確保麵係無脹先每碗加2蚊，你仲駁嘴駁舌話無可能？ 唔會無可能嫁！係有問題先會打比你呢個咁唔負責任既人去講呢件事！第二，我話我剔蘿蔔，無果樣比果樣，比咗雞翼尖，得！我依家比埋相單你！你第一個反應係問返我會唔會我寫錯？你會唔會搞錯呀？你乜野錯都係賴係個客到先？ ？ 你咁樣既人，文化，素質都係極差！ ！ 我60蚊唔係要買你個服務態度！但你呢個人既處理問題，接到投訴呢個反應真係不知所謂！自己望下，外賣平台對你既評論！ ！ 你地係點樣「用心至誠」去做每一單生意！叫外賣，就係你一句，攞返黎換就完？我有時間同你坐車來回去換個外賣？ 外賣平台，更加無，只可以比差評！ ！ 客人既午餐，晚餐，就係比你不負責任，求其去勉強自己食一啲咁難食既野？ 你呢個心態，真係不知所謂！ ！ 你係老闆，就勸你執咗佢，反正愈做愈差，唔好阻住有心開鋪既人！你係打工，仲衰，

叫碗外賣，份量少之又少轉左烏冬，我諗只有差唔多半包烏冬咁上下啲餸又得兩三舊 仲要唔熱既🙃 唔夠酸又唔夠辣同食開嘅重慶酸辣粉完全兩回事味道越嚟越差 完全冇麻辣 超級失望

幫襯咗十多年，由平民嘢食到佢變咗同譚x差唔多價錢。服務態度已經冇期望架啦，畢竟佢只得外賣自取服務，填好張點心紙交俾佢落單收錢就完，但最近食真係愈食愈嬲，大部份都係來自於個食物質素。而家成日偷工減料，配料愈黎愈少，有時連芽菜都冇俾，但又唔見佢收少我$5 😟而家一個配料要加$5啊！！！！嗌大辣又唔辣，啲粉又煮到梅晒😵‍💫價就加到連鎖店咁嘅水準，但食物質素同份量就比以前更差更少。希望佢真心改善下，唔係淨係識加價🫣

暫時食過最好食嘅雞絲粉皮 份量都算多，味道同平時個啲雞絲粉皮唔同 呢間個味道好有層次，配料有雞絲 蟹柳 青瓜 花生 炸蒜，成碗野好夾👍🏻 食過佢地主打嘅酸辣粉，味道都唔錯！配菜都好多選擇，去開東涌真係值得一試，但只做外賣🥹

首先野食上就不值一提 肥牛又老 牛柏葉又un 然後分湯上啲湯得半碗 叫佢加湯又好唔想咁 最後佢地餐廳講可以手機wtsapp落單落完單 佢再覆完話幾點拎 去到同我講未整 完全係不知所謂 但明明都冇單冇人等 都可以漏單 再問職員點解覆完之後都可以漏單 佢竟然係無視唔答當聽唔到我講野 我就再講咁你呢個服務係無用既就唔好同客人講可以用手機落單 落完又要漏單又要我再等十分鐘 真係離晒譜 總括而言呢間野服務態度又無 野食又唔好食 完全不值推介再食

東涌呢個冇乜食物選擇嘅地方竟然有一間可以食到四川酸辣粉對於我呢個比較喜歡食辣嘅人來講你真係一個相當唔錯嘅選擇 佢可以$57就有三餸嘅酸辣粉 價錢都唔算太貴 今次揀咗辣度小辣 面底就有得揀米線或者薯粉 咁就揀咗薯粉三餸方面呢就選擇左1. 蘿蔔 2. 娃娃菜 3. 雞中翼 我認為蘿蔔比較出色因為蘿蔔相當之入味同埋林嘅 雞中翼都比較大隻 不過味道就普通娃娃菜相當爽口 都係唔錯既選擇 辣到小辣其實唔係話太辣如果比較鍾意食辣嘅人可以選擇中辣添

東涌酸辣粉小店大推酸辣粉同涼拌套餐㊙️ 見午市都幾多人買外賣 $54套餐包三樣餸🧐 係咪真係抵食⁉️▪️7.5/10▫️<< 特價酸辣粉自選三餸 >> $54 揀咗滷水雞翼、金菇同冬菇~ 一讚冬菇超入味 大大粒有咬口❤️ 小辣 酸辣粉本身有酸豆角、蔥、芫荽、麻辣炸醬等惹味配料 麻香重 薯粉偏q軟 湯底唔會過酸同油👍🏻▪️8/10▫️<< 涼拌自選三餸小食 >> $54 幾大兜 揀咗海帶、豬皮同雞絲~ 中辣 涼拌醬汁極濃郁‼️ 麻辣味更重 紅油較多 豬皮索哂啲醬勁入味 咬落爽口 夾埋海帶同雞絲 口感豐富 食到停唔到🤤🌿店舖鄰近東涌地鐵站 主打外賣形式 冇堂食 午市都幾多人幫襯🐽總括嚟講 XXG太晏先到東涌 衝去買個外賣就搭上去昂平 估唔到有驚喜🤣 大愛涼拌豬皮㊙️😍 真心好食 酸辣粉套餐份量多 兩個人食呢度完全足夠 喜愛酸辣粉嘅朋友可以試試~

黎排好多人都推介高佬酸辣粉，晚餐唔知食咩就決定去試下去，一直食開都係湯酸辣粉，但原來有撈粉，所以二話不說就叫左個撈粉外賣 凍撈酸辣凍撈 $43我覺得食酸辣粉一定要揀薯粉，仲揀左雞絲、雞腎同青瓜，係甘熱既天氣食凍撈簡直涼快，嗌左小辣略為唔太夠辣，中意食辣既朋友仔可以挑戰再辣d 爽滑雞絲粉皮 $52雞絲粉皮加入左青瓜絲、蟹柳、雞絲、麻醬同紅油，食落唔會辣但有紅油香。另外麻醬加埋涼皮，好爽滑，涼浸浸好清新 整體食物質素：4 / 5推薦指數：4 / 5

1.《酸辣粉 配 涼拌海蜇蝙蝠腩🍖》-7.5分2.《三餸素食酸辣粉🌱》-7.5分——————————————1️⃣《酸辣粉 配 涼拌海蜇蝙蝠腩》跟餐 $58抵食套餐‼️ 蝙蝠腩即係豬嘅橫隔膜 細細塊 薄身 食落肉味唔重 口感爽滑 涼拌海蜇素晒涼拌麻辣汁 兩樣都好開胃 但偏油膩 酸辣粉湯底幾香濃 杰身 紅薯粉軟唸入味 2️⃣ 《三餸素食酸辣粉🌱》 $54朋友食開素 所以特登叫鋪頭幫佢走肉丁 三餸叫左木耳、鮮腐竹、豆腐卜😌 木耳爽口 腐竹豆腐卜有豆味 份量岩岩好 湯底好嚇人 但其實唔辣 唔食得辣都叫得！📝 $100左右 算幾豐富～ 價錢唔算平 但呢度選擇唔多 有一間有質素嘅酸辣粉止下癮 已經好開心😆 有得選素有驚喜 好貼心🥰📍 高佬重慶酸辣粉 - 東涌富東邨富東廣場地下

有幾多朋友仔鐘意食酸辣粉？除左食物嘅鹹香外，微酸嘅配菜加埋辣味來源嘅辣椒粉、乾辣椒......雖然好辣但食得好過癮，尤其辣到出左一身汗之後，感覺好爽🤪呢間小食店有唔同嘅配料俾大家選擇，包揀到一個最合適當時口味嘅酸辣粉，叫左個雞翼、豬肚絲、貢丸BB辣米線同埋冬菇、鮮腐竹、午餐肉薯粉，想講佢嘅餸全部都唔錯，尤其鐘意冬菇同雞翼，對於慢慢進步緊去食辣嘅👦🏻黎講，BB辣好似有啲唔夠辣，下次應該可以試吓微辣🤤去開東涌嘅朋友仔又多個選擇啦🥰評分：7.5 / 10

今次黎到近排曝光率好高位於東涌嘅酸辣粉外賣小店，店舖雖小卻種類繁多，多款小食、餸、湯麵、撈麵同飯揀，辣度選有六種選擇，滿足街坊各種口味。.凍撈粉自選雙拼/微辣（$52）鴨腎·海蜇·薯粉撈薯粉我揀左微辣，辣度對我黎講剛好，而家仲多左海蜇揀，唔係唔食海蜇呀嘛？哈，當然要揀海蜇，海蜇撈埋粉一齊食，口感更加有層次，鴨腎同海蜇都很爽口，酸酸辣辣，不錯呢～酸辣湯粟米菜肉餃/小辣（$37）粟米菜肉餃係店主自家製，粒粒都肥嘟嘟，味道低調香甜，粒粒粟米增添口感，有芽菜墊底，麻酸辣湯底好惹味，37蚊都算抵食

位於東涌富東廣場的「高佬重慶酸辣粉」，係一間主打四川重慶酸辣粉的小店，店內裝修簡潔，餐牌上供應配料款式選擇眾多的重慶酸辣粉，也有豬骨湯粉、涼拌小食或滷水小食等等爽滑雞絲粉皮粉皮拌了紅油，辣度不高，粉皮口感爽滑，感覺好fresh。表面加了大量青瓜絲、蟹柳、雞絲、麻醬、芝麻、花生等等，好香口，味道同口感都好豐富呢淨酸辣粉(一碗)配自選涼拌(一盒)抵食套餐之選價值$58，都幾抵食。自選涼拌可以從A及B類各選一款，也可以自選辣度，自由度高👍🏻淨酸辣粉酸辣粉本身有配料：酸豆角、銀芽、肉碎、花生、芫荽、蔥等等，令到成個粉更加香口～薯粉口感Q彈，好好食！自選涼拌：蝙蝠腩及木耳蝙蝠腩其實即係豬肉，肥瘦適中，豬味香濃🐷木耳好爽脆，吸收咗芫荽及紅油等香氣

酸酸辣辣嘅晚餐有好多，我偏偏喜歡食呢間，但可惜今晚無貢丸，所以要左牛丸代替。呢間個湯底好正，每次食完個米線，我都會飲埋個湯，所以我一係就配紫菜，一係就配炸魚皮，等佢地吸滿個湯底再放入口，yummy。

連鎖店嘅米線成日都食，間中都想食碗酸辣粉，試下小店既風味。開始轉季天氣熱熱地，叫咗個小辣涼拌小食。自選三餸$54 價格親民。 揀咗海帶、蝙蝠腩、大豆芽。海帶爽口，蝙蝠腩即係豬腩片，份量都幾多，雖然係腩片但係唔會好肥，脂肪比例適中，大豆芽清新爽脆。加上涼拌醬汁，真係令人好開胃，自己本身唔太食得辣，小辣味道剛好，惹味得來又唔會太刺激。三餸小辣薯粉$54。肥牛、海帶、豬紅。同樣地叫咗小辣，但係呢一個相對一望落去就見到好多辣醬啦，仲有花生、蔥等配料。薯粉粗身又吸汁，加埋個湯真係十分濃郁，肥牛薄身得來有咬口，豬紅好軟滑。

「高佬重慶酸辣粉」抵食套餐之選我就揀左淨涼拌酸辣米線有大量芫荽、蔥、花生、酸菜麻辣味中帶有孜然味涼拌米線都係熱撈最鍾意佢呢唔係用辣油，整出麻辣嘅感覺而係真係用上花椒粉孜然粉 所以好香，又唔會死辣真係辣得有層次！青瓜、海蜇好入味而且份量都唔少原本以為得幾粒估唔到係成盒咁多！我再加左個雞絲粉皮～夠爽夠滑配料又夠多辣嘅口味算幾正宗而且價錢都好平不過無堂食只有外賣但舖頭出面都有好多公眾地方有凳坐所以經過都值得一試