喜滿樓菜館

营业中

休息中

老媽子六十大壽，揀土瓜灣喜滿樓因為老媽子鍾意食呢度嘅懷舊菜尤其係芝麻雞同古法焗魚腸，食豪啲更係要有龍蝦。我哋10個人，海鮮叫了豉椒炒聖子煎米粉底同上湯開邊龍蝦，睇下啲相片就流哂口水，夠哂派場。另外叫芝麻雞，外皮夠脆唔油膩，肉質嫩滑唔膩口。椒鹽鮮魷係我呢餐最鍾意嘅，外脆內軟，魷鮮四散脆得唔油。值得一提係蝦多士，蝦滑鮮甜仲夾有原隻蝦，多士香脆，有回感。我哋個個都滿意，每都菜都好食，最緊要老媽子食得高興！