影片
更多
2010-10-17
18 浏览
查实呢间嘢已经食过两次(连埋今次)，上次已想写食评但唔记得记低资料......好好彩两次去食都唔驶等位(可能我早去啦，入座时间大约是晚上20:00)!同老婆睇左一阵就Order嘢食，我哋叫左北菇滑鸡饭、梅菜肉饼饭、虫草花山珍菇菌炖汤和虫草花灵芝炖汤(好大食呀)。北菇滑鸡饭、梅菜肉饼饭:良，佢哋啲煲仔饭唔系用炭炉煲嘅，不过我哋两公婆都唔食饭焦所以无咩所谓啰。而且佢哋仲用个竹篮嚟盛住个煲仔饭，故虽热度十足仍不怕会烫亲只手，够细心!北菇滑鸡饭内的鸡我估有可能是鸡柳肉，但其一旧鸡骨都无的做法我十分欣赏，我唔钟意骨头，且市面大多北菇滑鸡饭啲鸡都系骨多过肉，再加上佢鸡肉里面有少少黑椒(我估)调味，所以我觉得几好食!梅菜肉饼饭都OK，但我比较Like上次个土鱿肉饼饭多啲。虫草花山珍菇菌炖汤和虫草花灵芝炖汤:良，一碗足可分三小碗汤，而且用料十足，也无落味精，啲乌鸡肉直头炖到一夹就骨肉分离!真不愧是老火炖汤，鸿福堂和健康工房𠮶啲无得比啦，个人还是比较钟意饮呢类住家靓汤，起码真材实料，我碗汤直头饮到见底添。店内员工也有礼貌，虽则后来多人来用餐，她依然先问我哋介唔介意同人哋塔枱才带人就座，值得一赞!唯一介怀
北菇滑鸡饭、梅菜肉饼饭:良，佢哋啲煲仔饭唔系用炭炉煲嘅，不过我哋两公婆都唔食饭焦所以无咩所谓啰。而且佢哋仲用个竹篮嚟盛住个煲仔饭，故虽热度十足仍不怕会烫亲只手，够细心!北菇滑鸡饭内的鸡我估有可能是鸡柳肉，但其一旧鸡骨都无的做法我十分欣赏，我唔钟意骨头，且市面大多北菇滑鸡饭啲鸡都系骨多过肉，再加上佢鸡肉里面有少少黑椒(我估)调味，所以我觉得几好食!梅菜肉饼饭都OK，但我比较Like上次个土鱿肉饼饭多啲。
虫草花山珍菇菌炖汤和虫草花灵芝炖汤:良，一碗足可分三小碗汤，而且用料十足，也无落味精，啲乌鸡肉直头炖到一夹就骨肉分离!真不愧是老火炖汤，鸿福堂和健康工房𠮶啲无得比啦，个人还是比较钟意饮呢类住家靓汤，起码真材实料，我碗汤直头饮到见底添。
店内员工也有礼貌，虽则后来多人来用餐，她依然先问我哋介唔介意同人哋塔枱才带人就座，值得一赞!
唯一介怀两点，其一是舖头面积不大，店内外加埋最多只能坐24人左右，不适合大伙人来用餐。其二是店内无乜冷气，怕热的人只能在冬天来补暖身子了。
不过我哋两公婆会耐唔耐嚟开饭的。
张贴