影片
食物好味，即叫即整煲仔饭够新鲜。汤够份量足料好味又多款系舖仔细细坐得麻麻，同埋夏日炎炎应推一些消暑汤水吧？当日人𣎴多生意唔算好，希望佢挨得住，因为实在好食价钱合理
继续阅读
又见此店获得好评，即管一试。果然名不虚传！一行四人，叫了......1. 花旗参椰子鸡汤：好甜又好味，D鸡骨也被煮得绵绵的，GOOD!2.XX 罗汉果老鸭汤(唔记得全名)：十分足料，仲有甘草，劲生津开胃。3. 四宝饭X2：有虾干、流油咸蛋、鸡柳同黑椒猪手，好好味，D鸡柳好滑，不过就咸0左小小。4. 梅菜花腩饭(又好似叫梅菜头腩饭)：劲好味，加上甜豉油，一流！5. 黑椒猪手饭：足料，猪手入味，但对食量少的人来说，可能会觉得多肉得滞。但嗜猪手者，值得一试，真的是啖啖肉！6. 佛山熏蹄：好味，比在酒楼的更好！7. 菜芯：不油，甜！同行的四人中，老爷一向不爱出街吃饭，而且小小味精他也吃得出，但今晚的这餐他也很满意，因他都觉得没有味精。而且我们也相信，每锅饭都是即叫即煮，爱吃饭焦者，必试！但唯一美中不足是店面太细，有点迫。还有值得赞的是服务，以及所奉上的茶，虽不为上品，但是也不差，感受到店主想用心做好餐厅的诚意。值得试试同支持！注：赶时间就不好吃此店，因D饭真的是即叫即制。
继续阅读
半年来很怀念老广的靓汤及铁锅饭于是特登入元朗食返餐好！ 顺便睇下可唔可以keep住咁既水准到达老广之后果然是满座…看姨姨手一指才见到有3张空枱横排在稍远的位置（因为要留位俾人行）也不算太远啦 写纸落单岩哂我地呢d钟意自己慢慢谂既人！写好野之后姨姨会再覆一次以免落错单等了5~10分钟左右 第一个来的是汤！ 虫草花山珍菇菌炖汤 $38 (原价$42)喜欢喝汤的我马上捞下有咩汤料 有很多红枣、龙眼干，茶树菇倒是少了点，不过一样好饮！饮完汤先有第两样上菜～ 佛山熏蹄 $28$28~这样的份量已经很不错！有好多果冻状物体～超好食！又食完～又有饭食 腊肠腊肉饭 $40卖相唔错！仍然系成个锅底都系饭焦！过多阵终于到我既北菇鸡饭！$36同上次唯一唔同既系 菜心变左做翠玉瓜 仍然keep住半年前水准！即场系手机揾返上次张相黎对照 份量冇乜分别不过今次忍唔到手落豉油 甜既豉油+饭 好食！就食完果阵有2位女士黎搭枱，佢地嫌点菜纸d字细得滞(唔太礼貌既语气…)姨姨就请佢地睇返餐单，亲身帮佢地落单。真系唔错…今次值得一赞既系，虽然坐系出面，但系完全冇被忽视既感觉！(系连锁食店总系会有d无视位…)当我地谂紧要点埋单既时候，只系两个人望左望入面，转个头（真系个头转返去）个姨姨就出左黎问我地系咪有咩需要！顺利埋单，$142 I will be back!
继续阅读
今日再去老广食...舖头真系好细...冇位呀要系舖外食...舖头外面有5张枱都坐满哂..睇黎佢要开间大d既舖la.....不过系外面食都有另一番既风味...老板娘好热心好快手咁拎食具同茶比我地..同相公睇左一阵就谂到食咩la..人参乌鸡汤 lee个系相公饮我冇饮因为我咳..但佢话好好味...炖到只鸡连d骨都食得...灵芝唔知咩汤..真系唔记得左...我只系知入面好多料..冇味精...好正~~~黑椒猪手饭..上次都食过..今次食仍然系咁好味...豉椒排骨饭...都好多排骨..加埋d豉油真系一流~~~lee间野d汤真系冇味精饮完唔会口渴同埋真系炖出黎...越黎越钟意lee间野...d煲仔饭又好食..d饮焦又岩岩好唔会太硬同太㶶...虽然价钱比较贵..但系都算物有所值!!希望继续keep得住水准^^
继续阅读
经常OT的日子，晚餐一般是简单在家中炒乌冬、煮面就算，不过偶尔也会与老公出街吃点健康的，最近去了老广靓汤觉得不错。隐身于正记大排档外，老广只是小小的一片店，不过人气度一点不低，差不多九时仍然全店爆满，早到的老公要等了三数分钟，才安排到与人合坐一张四人座位。还好坐下十分钟左右，食客渐散，店方又安排我们搬到另一空桌，坐得舒服了才有心情欣赏店内装潢。其实也有一些食家拍过了，不过还是被挂墙的财鹿吸引了，觉得十分逗人呢!讲回食物，是次特为养生靓汤而来，当然要帮衬一下，原来汤水选择相当之多，共分虫草花系列、男士适合、女士适合、男女老少、四季皆宜，等等等，定价大多较实惠，比鸿福堂要抵些。本来锁定目标为灵芝罗汉果老鸭炖汤($36)，不知是否太晚已经无货，又改要了花旗参椰子鸡炖汤($35)，其味不如奶奶煲的浓郁，然而成品清润不油、份量又足也可收货了。店内又供应多款招牌铁锅饭($35起)，老公鳝瘾起，点了最贵的豉汁白鳝饭($52)，落单后要等约15分钟上台。白鳝相当肥美，满有浓香豆豉滋味，又带丝丝陈皮香气，味道挺不错的；而且近似煲仔饭的铁锅饭煮功一流，白饭粒粒分明，软硬有致，靠边的饭粒因热力形成香脆饭焦，但一点没有变㶶；再加上较浓稠味香甜的豉油，连不喜吃饭的我也一口接一口的吃呢!另一个选择是黑椒咸猪手饭($38)，当中所用猪手肥瘦合宜、肉质鲜香咸味适中，略带惹味黑椒风味，也是十分好吃。另外两款铁锅饭均拌以清爽翠玉瓜，增加健康清新感，不错。而铁锅饭还可选择加配料如腊肠、润肠、虾干、咸蛋，弹性几大的。与老公也要了碟芥兰($12)同吃，成品几青绿又新鲜，不过吃食到一半竟有只飞虫飞出来...几乎吓死我!! 向店员讲明情况下，也有换一碟新的，不过就留了余悸没有多吃了。最后一提这里几先进，是以bar code落单计数付款的，当然收的只是现金。是次晚餐盛惠$137，不算便宜，不过食物味道不错，又挟著健康卖点，我与老公都折服，客似云来也是正常的，当然能再将卫生度再提升一点就更好啦!
继续阅读