Burger Mix (已結業)

之前系"开饭团购"买左两张「$15买原价$30的芝士蘑菇安格斯手打牛肉汉堡」今日去左试～午餐时间，隔离舖头嘅快餐店都坐满晒人，但呢间Burger Mix好冷清。间Burger Mix只做外卖生意，而且只得两个店员负责整包同收钱。哇，系正隔离挖紧路啰，咁咪即系要我食尘？？？不过废事白行一赵，尘都照食啦～啲包系即叫即整，一收到order个哥哥就入咗去煎牛同将包放入烤炉，所以就算得返我一张order都要等一阵。后来个冇表情嘅收银姐姐仔都入埋去帮手，我亲眼见佢帮手砌包。。。咦？？姐姐仔妳唔系啱啱掂完啲钱嘅咩？？做咩转头未洗手又冇戴手套就徒手砌包？？？？？？！唉。。。。。算啦，大菌食细菌。包热辣辣好似好正咁。我见到原来套餐都唔系好贵，而且仲有学生餐（问咗星期六日都有）。试试包先～芝士颜色好深好鲜艳，又热到溶晒，睇落好吸引，但点知原来冇芝士味的。牛肉唔错，有牛肉味，而且都足料，又有点肉汁，不过咸咗啲。蘑菇好味。面包系芝麻包，够香口。得一个包嘅份量唔够饱，而且包一定要趁热食。最不满系卫生问题呢，要不然我谂我会再帮衬。