裕記大飯店

营业中

休息中

今晚一家人到深井裕记食晚饭，闲日去食嘅最大优势就系唔洗等位，车位亦都唔需要烦恼，揸车去真系好方便，如果系搭巴士小巴就要兜好耐。6个人叫咗一只烧鹅，烧鹅皮脆肉嫩，最钟意系啲皮一咬落去，鹅油就慢慢渗透出嚟，𠮶种香味真系令人垂涎三尺！鹅髀位置就啖啖肉而且肉质嫩滑，净系食只鹅已经回晒本。小菜方面，嗌咗芒果牛柳粒，芒果唔会好甜，牛柳粒肉质咬口适中，一啲都唔韧，系略嫌芒果味唔够出。咕噜肉，卖相其实都几差，不过食落又几正！够脆够多肉已经赢晒，如果可以再多少少汁会更好。豉汁带子蒸豆腐就比较差，因为豆豉唔靓，而且豆腐唔滑，如果用百福豆腐会好食好多。上汤津菜，个汤有少少咸，食到底啲菜就比较咸。