影片
更多
2013-10-20
1303 浏览
原本谂住想去果间竟然full咗, 果日都只系星期一晚, 第二日又唔系假期, 天气又热, 都唔知点解咁多人打边炉? 于是即刻上嚟search沙田仲有边间打边炉好, 就见到呢间好似几抵食咁, 于是就决定一试............我一早去到攞位, 已经有好多人食紧, 果时只系七点半左右, 当我坐低时, 伙计低张咭, 写住我坐低的时间, 我再周围望下, 先知原来限时3个钟, 但我d朋友都已经嚟紧, 又谂下3个钟应该都够食有余, 所以由得佢, 如果限食2个钟, 我谂我会等埋全部人到齐先拎位lor~~呢度系自助形式, 自己出去拎食物, 支装汽水又任饮, 好啱一大班后生仔嚟食, 自己钟意食乜就夹乜, 完全不受限制, 但就最好食几多拎几多, 食完再拎, 唔好咁贪心一次过拎好多, 其实佢都不停refill, 到时除咗食唔哂会浪费外, 仲会有surcharge, 但几多我就知, 因为响我前面比钱果班人就系浪费食物, 不过收银亚姐好人, 今次只系口头警告, 冇upcharge佢~汤底方面, 只有清汤、沙爹、鸳鸯、皮蛋芫茜, 我地就选咗皮蛋芫茜, 但佢个汤底好流, 一d都唔值$48, 成煲所谓汤, 只系有1
我一早去到攞位, 已经有好多人食紧, 果时只系七点半左右, 当我坐低时, 伙计低张咭, 写住我坐低的时间, 我再周围望下, 先知原来限时3个钟, 但我d朋友都已经嚟紧, 又谂下3个钟应该都够食有余, 所以由得佢, 如果限食2个钟, 我谂我会等埋全部人到齐先拎位lor~~
呢度系自助形式, 自己出去拎食物, 支装汽水又任饮, 好啱一大班后生仔嚟食, 自己钟意食乜就夹乜, 完全不受限制, 但就最好食几多拎几多, 食完再拎, 唔好咁贪心一次过拎好多, 其实佢都不停refill, 到时除咗食唔哂会浪费外, 仲会有surcharge, 但几多我就知, 因为响我前面比钱果班人就系浪费食物, 不过收银亚姐好人, 今次只系口头警告, 冇upcharge佢~
汤底方面, 只有清汤、沙爹、鸳鸯、皮蛋芫茜, 我地就选咗皮蛋芫茜, 但佢个汤底好流, 一d都唔值$48, 成煲所谓汤, 只系有1只皮蛋+1小樶芫茜+1包李锦记猪骨火㶽上汤, 然后加热水, 果包上汤仲要系比你自己落, 非常唔抵...........我朋友话以前唔系咁, 个汤好正的, 家阵就非常不知所谓, 就算系, 佢都应该落埋包上汤, 唔好懒成咁啦~ 唔知系晏咗定系果期冇乜海鲜? 只系得虾毛仔同埋生蚝, 不过仲有好多其他嘢食, 肉片、丸类、菜等等, 好多种, 样样夹d都食唔哂, 系花多眼乱, 当然唔好期待佢d嘢系好贵, 但只要新鲜同干净, 我觉得都已经可以接受~汽水又任饮, 佢有支装可乐、忌廉、芬达, 罐装sandy, 3大个缸, 放满水同冰, 全部自己嚟~
张贴
