陳儀興飯店 (嘉悅)

营业中

休息中

传统老字号陈仪兴！开放堂食约左朋友食下饭，一讲起潮式打冷应该无人唔知。「打冷」必食一定系潮式冻乌头，可以话系打冷既代表食物。乌头先蒸后放凉，餐厅会帮手起脊骨，啖啖鱼肉鲜甜嫩滑，醮上豆酱更滋味！卤水拼盘，有生肠、墨鱼、红肠、卤水大肠、五花腩肉、卤水蛋，自家秘制卤水咸甜适中，质素都好平均。最钟意佢既五花腩肉，弹牙有口感！第一次食糯米酿大肠，原来都系潮州传统名菜。将糯米酿入猪肠中，蒸煮后再切片煎香！糯米吸收左材料的味道，变得绵香烟韧，加上焦脆外皮，蘸上潮州酱汁，甜甜地几开胃！