肥姐蠔餅婆

营业中

休息中

又系做孤独的美食家既时候啦，中午放饭系元朗食左午餐觉得唔多够喉，谂起呢间元朗都几多人讲起既蚝饼婆，就谂住买份蚝饼食下吧。肥姐中午2点开档，有时会早少少，我今日行过未够2点都已经有人买紧，呢度除左蚝饼仲有无骨凤爪，饮品有紫贝天葵，鸡骨草呢d凉茶卖，咁就唔怕热气啦。炸蚝饼蚝饼似系用炸既方式做，主要用粉浆加蚝仔，即叫即做新鲜热辣，落单后5分钟左右就食得，钟意芫荽既朋友可要求落多d，唔钟意就开声讲唔要啦，炸蚝饼新鲜做起好香口，相对比较油腻，蚝仔份量唔算好多，有时一啖入口都系炸粉，不过味道尚算唔错，加埋佢既秘制辣汁味道更升华，我系即场加完拎走的后悔无叫肥姐俾多包我。食完觉得都要叫还可以，40蚊一份唔贵间中食下都ok，但好惊艳又唔算，叫做平平地食份蚝饼过下口瘾。