三人行燒烤專門店

营业中

休息中

今日放工又去通菜街揾嘢食，跟著就去睇戏，经过见到三人行烧烤店见6点已经差不多坐满，就即刻入嚟试下。小店主打串烧，猪牛羊鸡海鲜蔬菜样样齐，价钱仲要好合理，因为去日式果啲串烧店或居酒屋，收费都比教贵，所以呢度食得开心又无压力。酒方面好多选择好多，真露，啤酒，1664生啤样样齐。原条烧茄子，好大份，劲多蒜蓉，劲惹味。超抵食。烧羊架，够大件又够香，骨边烧到好香，羊架本身肉质嫰又 够厚身。烧鸡翼，两串特价鸡软骨，日式酱汁味道好，完全无投诉好满意。牛肉方面，嗌左安格斯，牛柳，一口牛，牛舌，全部都好到位，好出色，尤其牛舌够厚身，盐烧好香口。蔬菜方面，烧四季豆，菠萝超甜超出色。难怪6点零就坐满食客。