聚福小厨

营业中

休息中

朋友住筲箕湾附近，于是嚟佢𠮶头揾好嘢食。佢话呢个呢系横街小巷入边有一间中菜，𠮶度呢主打福建嘅菜式，我哋呢得两个女仔啫，所以就唔会嗌好多嘅。😆有啲特色嘅菜式要提早预订留意餐牌。门面见到餐牌都有几多中菜选择。我哋嗌咗三道菜。慢慢饮住茶。七彩炸虾饼 $138五颜六色既星星形状嘅面包糠，卖相好靓。虾饼啖啖肉，外层脆脆，内里Q弹。福建卤面 $128呢个面大大碗，有好多虾同埋贡丸，呢只面对我嚟讲好新鲜，因为未食过。个面嘅份量好多，如果四个人食先会食得晒，佢𠮶啲脆脆呢就系用蒜蓉嚟整嘅比较香口，面呢就系比较似汤羹嘅感觉。脆皮黑豚咕噜肉 $108呢一只咕噜肉嘅肉质比较似炸猪扒排骨，青红椒同埋菠萝嘅份量啱啱好。脆皮系薄身，同平时食𠮶啲唔同，唔会好厚粉，所以好好食🤤。仲有值得一提嘅系，我哋饮紧茶原来五花茶嚟㗎，唔怪得知有种好似饮紧凉茶嘅感觉，口感好清新凉快。餐厅嘅环境是一般嘅打冷舖头，有大大嘅圆枱都有茶餐厅嘅卡位。我哋食紧饭嘅时候见到有一家大细喺大大海食福建菜，有一种温馨嘅感觉。