碼頭上魚

营业中

休息中

觅食无分国界，今次入到嚟元朗国码头故事打边炉，餐厅喺楼上，沿着楼梯上去成个感觉都好有气派。一嚟到侍应都会好主动问你食唔食辣，跟住就会上火锅配料俾你，辣同唔辣嘅分别就系多咗中间个旧酱。第一次见到火锅配料个兜系成个饭碗咁大🤣我同朋友拣咗鸳鸯汤底，一边吃麻辣，一边系鲗鱼汤，仍然都系贯穿佢餐厅嘅作风，个火锅真系成个面盆咁大！两个女仔小鸟胃食得几多，我哋叫咗条桂花鱼、四色菜篮、红糖糍粑，嘢饮方便叫咗蜂蜜绿茶同甘露罗汉果。最后仲叫咗两碗冰粉作结。最钟意打边炉叫蔬菜果篮，贪佢咩都有啲，可以样样都试吓，又好似食咗菜健康啲咁～红糖糍粑简直系我成餐饭最终极嘅目标，亦都比较少餐厅有得食。冇谂到嘢饮系支装。同行友人竟然冇食过冰粉，其实佢系好似凉粉质地，上面加咗啲芝麻、山楂碎、提子干等材料，几特别㗎。