上海一品香菜館 (已結業)

寻日屋企人生日，今日补返dinner，佢想食上海菜，原本讲: 不如去大埔中心𠮶间啦，不过佢话咁贵又唔抵，所以我就search下大埔重有边间上海菜馆! 一查之下揾到依间!嗌左一个4𩠌1汤既餐，再加一笼小笼包for 3人食! total $28X! 抵!花雕醉鸡: 唔太入味，不过还可以!鸡丝粉皮: 好味呀，下次去一定会再order! 酱同粉皮比例岩岩好，唔会太少酱，太多酱都未必好食!椒盐排骨: 依个好味呀，唔洗加淮咸都够味，加左反而过咸! 啲肉唔系好肥，好多都可以成块食晒!回锅猪肉: 依个比起其他上海菜馆煮得唔算多油。屋企人食既时候讲: 好有老菜馆既感觉! 佢话系新式fusion上海菜馆冇既味道!小笼包: 皮薄，有汤! 好味呀! 要衬热食!三丝豆腐羹: 超多料，成碗都系料，三个人饮每人座底2碗!