金宴酒家

营业中

休息中

九龙湾区嚟讲算系抵食， 啲侍应都ok嘅， 系邻居介绍我去嘅呢间， 因为我住开果区附近嘅酒楼服务质素 唔好， 食完嘢 经常性冇侍应 执枱， 同换枱布， 所以唯有转地方饮早茶， 饮食业忙起 嚟嘅时候 ， 服务质素点都争啲。星期一至六系抵食啲， 因为有孖宝套餐， 同埋 茶位 为平一至两蚊， 我多数会叫 牛肉肠粉并 翡翠饺 埋单都系37蚊 但服务质素 同环境都 好过 我屋企附近𠮶间。今日星期日就食叫咗 个上汤菜肉饺 同 炸脆虾肠。上汤菜肉饺-入面有肉有菜， 菜味唔多浓郁， 但ok嘅 ! 一碗有五只， 👍汤入面放咗好多韮皇， 汤底 好好味，虽然饮得出唔系上汤😂至于个👍炸脆虾肠好特别，之前未食过 ，系隔离枱介绍! 食啰 有啲 脆脆地 ， 肠粉入面有虾，菜同有啲沙葛 。 味道都几丰富！两样嘢加埋， 埋单好似系 61蚊， 都算抵食啦！ 😋而且份量都ok，如果嗌多一碟，其实足够两个人食。 我见隔离枱仲有嗌猪手， 好似炆得好冧 😋，不过我一个人食唔晒，所以冇叫到。呢个价钱嚟讲算系好食又抵食， 因为同区，如果要食特别啲嘅点心，三碟加埋都过100蚊。