新陶園海鮮酒家

营业中

休息中

呢个星期食咗两次，一次星期四，一次星期日。星期四𠮶次真系煮得好，刚刚熟系最好味，而且有股香气，系旧时酒家大厨嘅风味，好正，完全冇辜负到D海鲜。椒盐濑尿虾 又香又鲜， 热辣辣香喷喷 同炒嘅碎料又惹味。青岛鲍鱼 大大只 好味，唔似大连鲍咁淋 有D似南非鲍。蒜蓉粉丝蒸大蛏子蒸得刚刚好，满口蛏子鲜甜，又易咬。白灼花螺，可以食到花螺原味，点甜酱食已经好好味。盐焗奄仔蟹，焗得干身热辣辣。 不过我个人钟意食肉蟹或者膏蟹多啲。但个海鲜浓鱼汤就真系唔得， 一D都唔浓，又净系得几粒菜飘下飘下🤪是次外来海鲜$1120, 加工费$400。星期日再食，煮得都Ok嘅，但同上次有距离，都好嘅，但唔系好好𠮶种。呢次要一提嘅系炸生蚝，买咗一条装嘅流浮山生蚝，淡而冇味，系完全冇蚝味，唔知系蚝嘅问题定出水过龙嘅问题。呢次买咗大蛏子，花螺， 重皮蟹，大扇贝，生蚝，海虾。海鲜来料$960，加工费$560。