龍門冰室 (已結業)

放假得闲黎到屯门行开，行到饿饿地，就决定食呢间龙门冰室，呢间冰室既环境唔错，干净整齐企理。职员态度亦都好亲切，而呢度点一个餐，有餐汤，又有沙律，简直系服务周到啊！今日嘅餐汤系罗宋汤，酸酸辣辣，好开胃。而沙律嘅主要材料系粟米，鸡蛋，感觉成个餐好有营养好健康。而主餐我就拣左黑松露蘑菇意粉，感觉呢个黑松露蘑菇意粉好惹味，蘑菇好新鲜，黑松露仲要将蘑菇嘅鲜味提高左，黑松露蘑菇同意粉嘅味道到真系好夹。为左食一个更丰富嘅下午茶，紧系唔少得叫翻个小食啦！龙门冰室嘅蜜糖鸡翼亦都系相当有水准架！ 烧到好香脆，甜甜地，好好味！本身蜜糖鸡翼嘅味道本来就很好味，脆脆嘅表皮入口易，令人一口又一口咁食唔停，鸡翼嘅肉都好入味。依家配上青芥酱，味道更系出乎意料之外地相配。其实笔者本来系爱辣之人，所以觉得特别好食，但唔中意食辣嘅人会觉得好辣！