影片
更多
2018-04-25
49 浏览
出旺角有时唔知食咩好，都会留意下街边嘅宣传/易拉架。话说天机栈呢个名听过好多次，天机栈系楼上舖，楼下会有啲易拉架有menu睇下，Set Dinner价钱都唔算太贵，所以就入去试下😃呢度嘅座位好宽阔，好有复古感觉，环境比较昏暗影相就真系有啲难度，但系播住好柔和嘅浪漫情歌，锯下扒谈下心亦不失为一个好地方。拣食物有Set可以叫，有齐头盘餐汤主菜甜品仲包一杯野饮，加左一大概二百蚊左右，真系唔算贵👍🏻海鲜拼盘: 呢个有惊喜！我本身都冇预期系有啲咩海鲜，但系一上碟好大只蚝啊！而且虾同蟹柳冇乜雪味，整体上真系高质！沙律: 中规中矩，都比我预期中大碟。餐汤: 呢到竟然有得拣酥皮龙虾汤，市面上呢个真系买少见少。呢个汤应该唔算落得太多面粉，所以饮落感觉唔会好浆，味道几浓郁。主菜: 炭烧美国西冷扒(8oz) - 摆碟系摆得唔错嘅，叫左五成熟，成数控制得好好，入面粉嫩色冇血水。整体上肉质未算非常好，但系食落脂肪位肉一啲都唔靭、好易咬。炭烧西班牙黑毛猪肉眼扒配苹果茸 - 呢块排嘅份量都唔少，食落唔会干争争亦唔会靭。而且配菜都有唔少，平衡返成大块肉，苹果茸小小甜甜地呢个配撘唔错。甜品: 质素都几高！虽然细细旧，朱
呢度嘅座位好宽阔，好有复古感觉，环境比较昏暗影相就真系有啲难度，但系播住好柔和嘅浪漫情歌，锯下扒谈下心亦不失为一个好地方。
拣食物有Set可以叫，有齐头盘餐汤主菜甜品仲包一杯野饮，加左一大概二百蚊左右，真系唔算贵👍🏻
海鲜拼盘: 呢个有惊喜！我本身都冇预期系有啲咩海鲜，但系一上碟好大只蚝啊！而且虾同蟹柳冇乜雪味，整体上真系高质！
沙律: 中规中矩，都比我预期中大碟。
餐汤: 呢到竟然有得拣酥皮龙虾汤，市面上呢个真系买少见少。呢个汤应该唔算落得太多面粉，所以饮落感觉唔会好浆，味道几浓郁。
主菜:
炭烧美国西冷扒(8oz) - 摆碟系摆得唔错嘅，叫左五成熟，成数控制得好好，入面粉嫩色冇血水。整体上肉质未算非常好，但系食落脂肪位肉一啲都唔靭、好易咬。
炭烧西班牙黑毛猪肉眼扒配苹果茸 - 呢块排嘅份量都唔少，食落唔会干争争亦唔会靭。而且配菜都有唔少，平衡返成大块肉，苹果茸小小甜甜地呢个配撘唔错。
甜品: 质素都几高！虽然细细旧，朱古力心太软入面真系流心，又唔会过甜，浅尝已经好满足。而法式焦糖炖蛋上脆内软，蛋味甜味均衡，好味！
整体上所有食物质素唔算惊为天人，但系以呢个价钱黎讲绝对收货。食物嘅份量真系唔少，食晒成个set会好饱。
张贴
