龍城冰室

营业中

休息中

系天气下昼好热嘅情况下，2个人入咗去呢间龙城冰室试吓𠮶个下午茶，首先讲下午茶餐牌非常之多元化，有得双并，例如炸髀拼沙律，又可以炸髀拼炸髀，莲藕饼都有，炒粉面饭焗饭，炒滑蛋奶油猪乜都有，我就嗌咗个XO酱杨州炒饭，再加多个常餐姜丝牛肉米粉，炒蛋奶油猪，都系嗌冻柠茶，先讲个性价比，好高，杨州炒饭好大碟，简直系午餐嘅份量，因为有啲茶餐厅其实下午茶份量系好少嘅，所以呢样嘢已经值得一赞，都炒得够镬气，饭炒得够干身，粒粒分明，仲要够晒足料，虾同叉烧都够多，唔算好辣，个米粉方面，姜味几够，汤算几清，牛肉都好味，最紧要一样野系够晒热辣辣，因为有阵时食啲汤粉面只系暖，会大大扣分，冻柠茶水准亦相当唔错总括来讲喺铜锣湾呢个咁繁忙嘅地方，呢度系个唔错嘅茶餐厅