Plato (已搬遷) 新店位置

之前行过已经想食嘅西餐厅，今日行完中南就决定去食。除左dinner set之外，仲有二人套餐，都好多选择，总会拣到一款岩你心水。我地就拣左个二人套餐。<南瓜忌廉汤>个汤唔算太浓南瓜味，唔好南瓜既我都觉得不错。<意式巴马火腿配蜜瓜>蜜瓜略嫌唔够甜，巴马火腿不过不失喇。<香蒜白酒煮蓝青口>蓝青口都几新鲜，不过略嫌咸咗少少。<美国安格斯西冷牛扒•红酒烧汁>牛扒好嫩滑，唔算多根，都好香牛肉味，不过都系偏咸左少少。值得一赞既系啲薯仔，炸过之后外脆内软。<黑松露野菌烟三文鱼意大利饭>呢个意大利饭好食，有好香嘅黑松露味，个饭唔会太硬。每一粒饭都沾上黑松露忌廉汁，但又唔会太湿。<热朱古力，热芒果草莓茶>朱古力普通，反而杯芒果草莓茶比较特别，酸酸地，饮完会无咁腻。<提拉米苏>咖啡味浓郁，配上香滑既cream，另有一番惊喜。<美式芝士蛋糕>芝士蛋糕芝士味浓郁，但又唔算太腻，可以食得哂。