微熱山丘 (已結業)

系繁华既中环一带，竟然见到一间望上去好恬静休闲既餐厅。再望真D原来系台湾必买既凤梨酥品牌 - 微热山丘。 我实在太爱微热山丘既凤梨酥，每次我去台湾都一定会买返香港食，所以我毫不犹疑就入左去食啦！店内既装横好简约自然，以木为主，周围仲有不同既艺术品同挂画。餐厅内只有一张木制长枱同旁边既一张小圆桌。大家都一齐坐系张木枱度，感觉就好似将一堆原本唔认识既陌路人建立左个无形既联系咁。一入店内，服务员就好热情咁招待你，令我怀念起台湾人既热情，感觉分外亲切。一坐落黎，店员就即刻递上一份凤梨酥同红茶。我有D惊讶，因为我都仲未点餐，原来每位到来既客人都会免费有一份。凤梨酥夏颜版 - 季节限定既凤梨酥，因为系用夏天既菠萝整既。食落比一般既凤梨酥清甜。100%凤梨汁 - 的确好重菠萝味，但略嫌太甜。可能因为我本来钟意D清清地既食物。平日生活咁劳碌，偶尔咁休闲咁饮下茶食下饼，其实真系好写意。钟意慢活休闲生活既你，又或者钟意台湾人果种热情亲切既你，都必定要黎试下！