甜蜜蜜甜品專門店 (已結業)

最近同朋友经过尖沙咀，食完饭就一齐去咗食个糖水。经过呢间叫甜蜜蜜嘅甜品，就坐低一试。我哋一行三人，叫咗两个「劲爆紫米露」同一个「榴梿忘返」。先讲「劲爆紫米露」，原来佢劲爆嘅意思系有爆炸糖喺入面，相当有创意，而且有好多其他唔同嘅配料，如芒果粒、雪糕、大明珠、海藻珠，同三色Q果。一上台后已经听到爆炸糖嘅「炸炸声」，但食落其实感觉唔强烈，而且可能因为太多配料嘅关系，更加系有啲太过复杂嘅感觉，紫米露份量亦相对太少。加上雪糕，成件事就似系一堆看似大堆头嘅甜品配料大杂荟，虽然有创意但味道好一般。至于「榴梿忘返」，亦系非常一般嘅味道，未能令人有太深刻印象。可能位于游客区，整体价钱都偏贵，对于一般约会饭后甜品，亦未免过于一般。味道 ⭐️⭐️⭐️服务 ⭐️⭐️⭐️环境 ⭐️⭐️⭐️性价比 ⭐️⭐️