陳儀興牛什粉麵 (鴻祥大廈)

营业中

休息中

响新宝睇完戏行出黎见到呢间牛什舖，记得之前有人推介过话有啲出面好少食到既牛内脏，同朋友讲完就即刻入去食～① 沙瓜（伞肚）净食 $145平时食开牛肚，金钱肚，牛百叶系牛既三个胃，至于牛沙瓜系牛既第四个胃，比较细小，处理过程繁复，所以唔多地方有得食。据说一个沙瓜通常只可以做到两份净食，绝对系限量供应！今次同朋友开心Share所以叫左份净食，份量都几多，虽然卖相一般但又好食㖞！内脏清洁得干净，无腥味是基本，牛沙瓜的口感有少少咬口但又唔系韧到咬唔开，我几钟意，再加埋潮州辣椒油仲好味。另外加$20跟餐有碟油菜/炸鱼皮以及饮品，叫左杯咸柠七，樽装雪碧加分。② 牛三宝捞面 $70牛腩，牛筋，牛肚系一个王牌组合，第一次食呢间舖当然要试下基本野先有得比较下。呢碗牛三宝其实都几贵下，本身跟汤面系$60，我改捞面要加$10，不过份量都有番咁上下，每件都好大旧，牛腩松化唔痴牙，牛筋够腍，口感有胶质。③ 我要晒 $40有齐所有炸物，炸鱼皮，炸木丸，炸云吞，炸章鱼丸，炸鱼蛋，炸虾枣丸。同朋友每人试啲，样样都唔错，几脆口，啲丸唔系好分到边种打边种，但都几弹牙，几好味。